Faisal Maqsood

ہم شاید کسی طور پر اپنے دکھوں سے نکلنے میں کسی روز کامیاب بھی ہو جائیں #اعوانیات

کبھی کبھی آگے بڑھنے یا کامیاب انسان بننے کے لیے، کچھ دھوکے، صدمے اور مخالفت بہت کام آتی ہے۔ #اعوانیات

مذہب کی بیڑیوں میں بندھے ہوئے شخص کے پاس اپنے ساتھ ہوئے ہر برے سلوک کو "مقدر" کی کسوٹی پر رکھ کر پرکھنا آسان ہو جاتا ہے اسے لگتا ہے اس کے ساتھ جو کچھ بھی ہوا یا ہو رہا ہے یا آگے جو کچھ بھی ہوگا وہ اس کے خلاف کسی ظالم کی سازش کا نتیجہ ہے یا اس کے رب مصلحت۔ #اعوانیات

مجھے ایسا لگتا ہے لوگوں سے رشتے ضرور بنانے چاہیے، لیکن انہیں اپنی عادت میں شامل نہیں کرنا چاہیے، وگرنہ آگے بڑھ جانے والوں کی یاد میں پیچھے رہنے والوں کا انتظار کی چکی میں ٹک ٹک کرتی، سیکنڈ کی سوئی پہلے منٹوں، پھر گھنٹوں اور پھر ماہ و سال تک دل کو دکھاتی رہے گی۔ #اعوانیات

مجھے وقت اور حالات کی اک بات بےحد پسند ہے، انسان کی زندگی میں اک وقت ایسا ضرور آتا ہے کہ جب حالات کی ہیر پھیر خونی رشتوں اور وہ لوگ جنہیں ہم دور حماقت میں اپنا بہترین حلقہ احباب جانتے ہیں کو چھلنی کی طرح چھان دیتی ہے۔ #اعوانیات

زندگی میں اگر کبھی کسی ایسے شخص سے ملنے کا اتفاق ہو جو آپ سے بغیر کسی غرض کے بے پناہ محبت کا معترف ہو اور آپ سے نکاح کا خواہشمند ہو تو اس انسان کو خود سے دور نا ہونے دیں اس کے جذبات اور احساسات کی قدر کریں اس شخص کی محبت کی قدر کریں کہیں ایسا نہ ہو کہ اپنے دکھوں اور اپنی خوشیوں اور اپنی زندگی میں مگن ہو کر آپ اس شخص کی محبت کی بےقدری کر بیٹھیں جس کا دکھ اور پچھتاوا ساری زندگی رہتا ہے اور سچ تو یہ ہے کہ محبتوں کے پچھتاوے قبروں تک ساتھ جاتے ہیں #اعوانیات

میں اکثر سوچتا ہوں، کسی شخص کے آنے، یا آ کر چلے جانے سے، کسی دوسرے شخص پر کیا اثرات مرتب ہو سکتے ہیں، اک شخص آپ سے دوستی یا محبت کا دعوی کرے، آپ کو سمجھنے کی بات کرے، آپ کے ساتھ وقت گزارنے کو غنیمت سمجھے، آپ کو سنے، آپ کی دلجوئی کرے، آپ کو سراہے، آپ کو چاہے، آپ کا ہمراز بننے کی خواہش کرے، آپ کے ساتھ جینے مرنے کی قسمیں کھائے، اور پھر اک عرصہ بعد اسے احساس ہو، اس نے ساتھ جینے مرنے کی قسمیں، یا زندگی جینے کا خواب جس شخص کے ساتھ دیکھا، آہ، وہ اس کا "ناکام انتخاب" نکلا!!! اور پھر اس نے اپنے انتخاب کو کسی نگران کی رضامندی پر وار پھینکا! دیکھا جائے تو ناکام شخص کے پاس پسند یا انتخاب کی کوئی گنجائش نہیں ہوتی وہ تو بس حالات کے دھاروں کی زد میں بہتا، نصیب کو کوستا اور ملامت کرتا ہوا کہیں نہ کہیں اور کسی نہ کسی کنارے لگ جاتا ہے۔ لیکن کیا ایسا شخص جس کے نزدیک اس کی خواہشات معبتر تھیں وہ مطمئن ہو پائے گا؟ #اعوانیات

مجھے تیرے ساتھ کی خواہش جتنی شدید تر تھی قدرت کی جانب سے تیرا بچھڑنے کا فیصلہ اتنا ہی شدید تھا اگر تو دیکھے تو اس سانحہ نے مجھ سے میری راتوں کی نیند ہی نہیں چھینی بلکہ دن کا سکون بھی چھین لیا اور مجھے بےچین کر کے چھوڑ دیا میرا میری ذات پر اب کچھ بھی اختیار باقی نہیں رہا مجھے آج بھی کانٹوں جیسی کسک اور جبھن محسوس ہوتی ہے جو میرے وجود کو اندر ہی اندر چھلنی کرتی رہتی ہے سچ کہوں تو رقابت محبت سے بھی زیادہ جان لیوا ہوتی ہے #اعوانیات

سنو! بدگمانیاں چھوڑ دو اچھا اچھا سوچو ایک بات بتاؤ؟ کیا تم سے متعلق بدگمانیاں صرف مجھے ہی تھیں؟ کیا تمہیں نہیں تھیں؟ انسان مارجن خود کو ہی کیوں دیتا ہے اگر وہ دوسروں کو بھی اتنا ہی مارجن دے جتنا وہ خود کو دینا ضروری سمجھتا ہے تو شاید بدگمانیوں سے پھیلنے اور پھوٹنے والے فتنے اور رنجشوں کا ازالہ کیا جا سکے #اعوانیات

کچھ باتیں ہمیں سمجھ آتے آتے ہم بہت نقصان کر چکے ہوتے ہیں بہت سے اختیارات جن پر سے ہمیں ناچاہتے ہوئے بھی دستبردار ہونا پڑتا ہے بہت سے تعلقات جنہیں ہم پہلے ہی بگاڑ چکے ہوتے ہیں اور زندگی عجیب ہی رخ اختیار کر لیتی ہے سن کر کتنا عجیب لگتا ہے نا "اک مسافر ہے، جسے اپنی منزل کا تعین ہی نہیں" وہ ہر بات سے انجان ہے بس کچھ دکھ جو اس کے دل سے نکالے نہیں نکلتے وہ مٹانا چاہتا ہے تو مٹائے نہیں مٹتے نہ اس دکھ کی کوئی دوا ہے نہ مرہم اور نہ کسی صورت مدوا سچ تو یہ ہے بس اک من چاہے شخص کی محرومی اسے دنیا بھر سے بےپروا کر دیتی ہے #اعوانیات

ماں کا میکہ (ننھیال) اور باپ کا گھرانہ (ددھیال) دونوں کے دنیا سے جانے کے بعد بیگانہ ہو جاتا ہے #اعوانیات

مرد کو ایسا باکردار اور مثالی شوہر بننے کی ضرورت ہے کہ اس کی بیوی اپنی بیٹی کے لیے بھی ایسا شوہر ہی تلاش کرے، جو اس کے حقوق کی پاسداری کرنا جانتا ہو۔ #اعوانیات

آج کے اس پرفتن دور میں کسی بھی شخص پر اندھا اعتماد کرنا ہی سب سے بڑی غلطی ہے اور خود کو موت کے منہ میں لے جانے کے عین مترادف ہے یہ دنیا آپ پر آپ کی معصومیت یا یتیمی یا غریبی یا پھر سادگی دیکھ کر رحم یا ترس نہیں کھائے گی یہ وہ بھیڑیے ہیں جو کسی تاک میں لگے ہیں جو کسی وقت کے منتظر ہیں جو مذہب کا لبادہ اوڑھ کر آپ کا مال، آپ کی اولاد اور اسباب کو چھین لیں گے ان کے ظاہر عابد اور باطن فرعونیت کی عکاسی کرتے ہوں گے #اعوانیات

دکھوں کے معاملے میں انسان کا حافظہ کمال ہوتا ہے اک اک لمحہ وہ جس قرب میں گزارتا ہے، بھلا نہیں پاتا اور نہ ہی اس شخص کو جس کی آپ پر عنایات میں شراکت داری ہوتی ہے انسان اگر خیالات کی دنیا سے نکل کر عملی زندگی کی طرف لوٹے تو اسے سمجھ آتی ہے جذبات اور قسمیں یا وعدے انسان پر سوائے بوجھ کے اور کچھ بھی نہیں ہوتے جسے جتنی جلدی سمجھ لیا جائے زندگی اتنی ہی آسان اور خوبصورت بنائی جا سکتی ہے #اعوانیات

"بات سنو! اگر تم سے پہلے میں مر گئی، تو تم میرے بعد کیا کرو گے؟ جی پاؤ گے" اس سوال کی سمجھ مجھے اس کے مر جانے کے بعد آئی شاید میں اس جیسا دور اندیش نہیں تھا یا وہ میری طبیعت کی بےچینی اور جلد بازی سے واقف تھی اور وہ ٹھیک تھی میں اقرار کرتا ہوں کہ اس کے آنے سے میری زندگی میں خوشیوں اور سکون کی تلاش مکمل ہوئی اس کا یوں داغ مفارقت دے جانا مجھے بستر مرگ تک کھینچ لایا ہے مجھے سن کر تعجب ہوتا ہے جب کسی مرد یا عورت سے متعلق یہ سننے کو ملتا ہے کہ اس نے اپنے شریک حیات کو دھوکہ دیا ہماری شادی مکمل طور پر خاندان کی رضامندی سے تھی لیکن ہم نے اک دوسرے کو اس کی خوبیوں خامیوں اور اچھائی برائی سمیت ناصرف قبول کیا بلکہ ہم نے معاشرے میں اک اچھا شوہر اور اس نے اک اچھی اور مثالی بیوی ہونے کا ثبوت دیا۔ مجھے اس کے انتقال کے غم نے ہلکان کر دیا ہے میں چاہتا ہوں یوم الدین کا مالک مجھے اس کا ساتھ اپنی جنتوں میں بھی عطا کرے۔ مجھے لگتا ہے اک مخلص ہمسفر موسمی محبت کے بخار سے ہزار درجے بہتر ہے، اور اگر محبت ہی مخلص اور وفادار شخص سے ہو جائے تو زندگی مزید نکھر جاتی ہے۔ #اعوانیات

لوگوں کو لگتا ہے وہ اپنے مخالف حریف کے منہ پر سچ کہنے کے عادی ہیں تو شاید ایسے ان کی شخصیت کا مثبت پہلو نمایاں ہوگا جبکہ سامنے والا شخص مروت میں خاموش ہو جائے۔ درحقیقت ایسا شخص محفل کے آداب سے بلکل ناواقف ہوتا ہے اور ایسی سچائی جو بطور تنقید یا کردار کشی کے زمرے میں آتی ہو، ناقابل قبول ہے۔ بدقسمتی سے معاشرہ میں اکثریت کا وطیرہ اسی قسم کی سچائی ہے ہمیں یہ سمجھا چاہیے لہجے یقینا تاثیر رکھتے ہیں اور بات کہنے والا شخص اگر لہجوں کی تاثیر سے بالکل نابلد ہو  تو اسے چاہیے بات کو توڑ مروڑ کر پیش کرنے کے بجائے خاموشی اختیار کر لے #اعوانیات

روز روز کی کسی نہ کسی وجہ سے لڑائی، بحث، طعنے اور روٹھنے منانے کی وجہ سے میں نے اسے غصہ سے کہا دیکھو ایسے میں تم سے شادی نہیں کر سکتا ہم ساری زندگی خوش نہیں رہ پائیں گے  اگر ایسے ہی لڑتے رہے میرے انکار کے جواب میں وہ کہنے لگی کیا میں تمہیں کال گرل لگتی ہوں جب دل کیا بات کر لی پکچرز منگوا لی دل بھرا تو بلاک کر دیا سلسلہ ختم کر دیا اگر محبت نہیں تھی تو مجھے اس راستے پر لائے ہی کیوں میرے پاس اس کے اس سوال پر سینکڑوں جوابات تھے پر شاید اس میں قصور میرا ہی تھا کہاں وہ فرشتہ صفت خاتون اور کہاں میں جنت سے نکالا گیا ابلیس ہمیں ہمارے رویوں نے اک دوسرے سے جدا کر دیا ------------------- اک بات تو بتاؤ میری پکچرز کا کیا کرتے ہو دیکھ کر ڈیلیٹ کر دیتا ہوں کیوں؟ سیو نہیں رکھتے؟ نہیں، فیملی پکچرز سیل میں نہیں رکھتا اور میں نہیں چاہتا تمہیں میرے سوا کوئی اور دیکھے میرے لیے تمہاری عزت اتنی ہی عزیز ہے جتنی میں اپنی فیملی کی عزیز رکھتا ہوں اچھا ---------------- میں تم سے شادی نہیں کر سکتی تم بیروزگار ہو، تمہارے کسی فیصلے پر تمہارا اختیار نہیں، بداخلاق ہو۔ میں نے اس کی تمام باتوں کو غور سے ...

یہ انائیں ان لوگوں پر بھی واری جا سکتی ہے جو ہماری رضامندی میں شامل تو نہیں تھے مگر اب وہ ہمارے شریک حیات ہیں خوش رہنے کے لیے اسباب کو تلاش کیا جانا چاہیے رونے کے لیے، مایوسیوں کے لیے تو ہمارے پاس ویسے ہی ماضی کا ڈھیر سارا بیک اپ موجود ہوتا ہے #اعوانیات

کبھی کبھی خوشیاں خود سے بھی تراشنی پڑتی ہیں طبیعت کو گزری ہر ناگوار بات کو سنی ان سنی کر دینا چاہیے لوگوں کو ان کی غلطیوں پر مارجن دینا سیکھیں بہت سے غلط فہمیاں اور بدگمانیاں خود بخود دور ہو جاتی ہیں ایسے لوگوں کا انتخاب کریں جن کے نزدیک آپ کی ذات اور کہی بات کی ویلیو ہے انہیں وقت دیں ان کے دکھ سنیں  اور ان پر ہمدردی کا مرہم لگائیں انہیں صبر کی تلقین کریں ان کے کام آئیں مددگار بنیں معاون بنیں یہ انتہائی غیر اہم کام آپ کو اک منفرد سوچ کا حامل بنا دیں گے #اعوانیات

مجھے ذاتی طور پر لوگوں کے مسائل سن کر ان کا حل تلاش کرنا پسند ہے کم از کم خود کی حد تک جتنا بھی کر سکوں تو لازمی کرنے کی کوشش کرتا ہوں مکالمہ کدھر تھے؟ قبرستان گیا ہوا تھا وہ کیوں؟ ابو سے ملنے کا دل کر رہا تھا خیریت؟ اکثر ملنے چلا جاتا ہوں، جب دل اداس ہو یا جب کبھی آنکھیں چھلکنے کے در پہ ہوں، تو وہاں پرسکون ماحول میں دل کھول کر رو لیتا ہوں، کوئی تنگ کرنے والا بھی نہیں ہوتا اور دل بھی ہلکا ہو جاتا ہے پھر؟ پھر یہ کہ وہاں سے واپسی پر دل سے کافی بوجھ اتار لینے کے بعد خود کو اگلی صبح پھر سے اس بےحس معاشرے کی تنقید، دھوکہ، گالیوں، طعنوں کو سننے کے لیے ان کے درمیان چلا جاتا ہوں تھکتے نہیں ہو؟ نہیں تھکنا کیسا؟ اور اگر تھک بھی گیا تو کیا دل بھر جانے پر ریمووٹ سے ٹی وی آف کر دینے جیسے زندگی بھی ختم ہو جائے گی نہیں نا؟ تو سہنا پڑے گا کیا وجہ ہے کیوں اتنا ستائے ہوئے ہو لوگوں سے؟ میں کبھی کبھی سوچتا ہوں دنیاوی بڑی بڑی ملٹی نیشنل کمپنیوں کے شکایات سیل کی طرح خالق کائنات سے اس کی مخلوق کے بارے میں شکایات کا بھی اک سیل ہونا چاہیے تھا جہاں ہم خالق کو بتا سکتے کہ مالک تیرا فلاں بندہ اپنا فلا...

مجھے اکثر افسوس ہوتا ہے جب مجھے ماضی میں جھانکنے پر وہ سبھی عہد و پیمان بکھرے ہوئے نظر آتے ہیں جو تم نے کبھی کر رکھے تھے افسوس، وقت نے تمہیں وہ نبھانے تک کی مہلت نہ دی کبھی کبھی جھوٹ بھی خوبصورت لگتا ہے وہ بھی جب مہارت سے بولا جائے اور تمہارے لہجے میں وہ غضب کی مٹھاس بھی کمال تھی کون کمبخت اس جادو بھری آواز میں گرفتار نہ ہوتا اور پھر شکست نہ کھاتا سو ہمیں مات ہوئی #اعوانیات

انسان بیوقوف نہیں تو اور کیا ہے؟ ہمدردی کے دو بول سننے کے لیے اپنا ماضی کسی پرلے درجے کے کم ظرف کے سامنے کھول کر رکھ دیتا ہے اور وہ اک وقت آنے پر آپ کو آپ کے ماضی کا طعنہ دے جائے کچھ لوگ بدنسل ہوتے ہیں جن سے آپ اچھے یا ہمدردی کی امید نہیں رکھ سکتے #اعوانیات

بات سنو؟ دیکھو میری جان! میں ابھی بھی تمہارے شہر میں ہوں اگر تم چاہو تو اپنے گھر والوں کو تمہارے گھر رشتے کی غرض سے بھیج سکتا ہوں نہیں، مت بھیجنا لیکن کیوں؟ میری بات کہیں اور پکی ہو گئی ہے کچھ ہو بھی تو سکتا ہے بات پکی ہوئی ہے نکاح تو نہیں ہوا نا ہاں، لیکن اب کچھ نہیں ہو سکتا۔ بھول جاؤ میرے لیے کوئی بھی ایسا دن نہیں گزرا جب خود کو تمام سن مصروف رکھنے کے باوجود خود کو کبھی تمہاری یاد سے غافل پایا ہو تم میرے لیے جاگتی آنکھوں سے دیکھا گیا وہ بھیانک خواب ہو جس کی کوئی تعبیر ہی نہیں تھی۔ جسے بھلایا بھی نہیں جا سکتا اور نا حاصل کی خواہش کی جا سکتی ہے۔ #اعوانیات

گناہ اور ہم تحریر: ملک فیصل اعوان سوال تھا کہ کیا آپ بھی گناہ پر ندامت کے بجائے "فخر" محسوس کرتے ہیں کسی گناہ کا مرتکب ہونا "باعث فخر" کیسے ہو سکتا ہے؟ توجہ درکار ہے! دوست احباب کی جانب سے مختلف قسم کے جوابات موصول ہوئے لیکن دل مطمئن نہ ہو پایا یا یوں کہوں کہ جو جواب میں اپنے سوال پر طے کر چکا تھا اس کے موافق نہ تھا بہرحال____ یوا کچھ یوں کہ اک عرصہ سے حلقہ احباب جوں جوں وسیع سے وسیع تر ہوتا چلا جا رہا ہے تو بہت سی باتوں کو جاننے، سمجھنے اور سیکھنے کا موقع ملتا رہتا ہے میرا یہ ماننا ہے ہر نئے دن ملنے والے کسی شخص سے کچھ سیکھ لیا جائے یا سکھا دیا جائے اسی سلسلے میں اک نشست میں کچھ دوستوں کے ساتھ گفتگو جاری تھی کہ بات چلتے چلتے اک ایسے موضوع پر آن پہنچی جس کی بدولت اوپر سوال کی نوبت آئی اس سوال کے نتیجے میں اک اور سوال بھی پیدا ہوتا ہے ایسا شخص جو اللہ کی متعین کردہ حد کو توڑتا ہے، اور پھر جبکہ خالق حقیقی نے اس کے گناہ یا عیب کی پردہ پوشی کی باوجود اس کے وہ اپنے گناہ کا اعلان کرتا ہے اور فخر سے بتاتا ہے کہ میں نے فلاں گناہ کیا ہے اور گناہ پر فخر محسوس کرتا ہے اور گنا...