Faisal Maqsood

#رشتے #اعتراضات #ڈیمانڈ #جہیز  قسط نمبر 2 اولاد کے حوالے سے سبھی والدین کی خواہش ہوتی ہے کہ ان کی اولاد بہترین اور پرسکون زندگی گزاریں، جہاں اولاد کے رشتے ہوں وہاں بھی سکون میں رہیں، اولاد کو کوئی بھی پہنچنے والا دکھ انہیں مل جائے پر اولاد پر آنچ بھی نا آئے۔۔۔۔ اور اس سلسلے میں اپنی عقل اور سمجھ کے مطابق انہیں اولاد کے حق میں جو صحیح لگتا ہے، وہی فیصلہ کرتے ہیں پر ضروری نہیں ہمیشہ ایسا ہی ہو۔۔۔۔ بزرگوں کا اپنی عمر اور تجربات کا گھمنڈ اولادوں کی خوشیوں کی دیوار بن جاتا ہے بسا اوقات بالوں کی چاندی (جو عموما ہمارے بزرگ حضرات تجربات کا حاصل سمجھتے ہیں) زندگی بھر کا روگ ثابت ہوتی ہے۔ یہاں لوگوں کا انسانوں کو پرکھنے کا جو معیار آج ہمارے معاشرے میں رائج ہو چکا ہے وہ دیکھ کر دل افسردہ ہو جاتا ہے۔۔۔ دل کے میلے کچیلے لوگ اجلے لباس پہن کر اپنے اندر کے عیب چھپا لیتے ہیں،،، یہاں دولت کی نمائش ضروری ہے، یہاں فیشن سے اپ ڈیٹ رہنا ضروری ہے، یہاں تعلیم یافتہ شخص ہی وہی ہے جو مرد کو لبرل اور عورت کو بےلباس کر دے۔۔۔ یہاں عورت کی آزادی سے مراد اس پر پابندیاں نہیں درحقیقت اسے بےلباس ہونے میں...

#رشتے #اعتراضات #ڈیمانڈ #جہیز قسط نمبر 1 والدین بیٹی کے لیے رشتہ دیکھ رہے تھے، باپ مزدوروں کے ساتھ دیہاڑی لگاتا تھا دیہاڑی کبھی لگتی اور کبھی نہیں، ماں گھر داری سنبھالتی تھی۔ ایک بھائی جو کسی کے پاس ملازم تھا روزانہ دیہاڑی کی مد میں 500 سے 600 کما لیتا تھا اور جس لڑکی کا رشتہ دیکھا جا رہا تھا معاشی حالات کی وجہ سے دینی و دنیاوی تعلیم بلکل بھی نہیں تھی، گھر کرائے کا تھا گزر بسر ہو رہا تھا۔ ماں کی خواہش تھی بیٹی کا رشتہ کسی اچھے گھر میں ہو جائے،،، یقینا ہر والدین کی ایسی خواہش ہوتی ہے اور یہ خواہش کرنا کوئی بری بات نہیں۔ بشرطیکہ مزید خواہشات کا اضافہ نہ کیا جائے۔ اسی سلسلے میں رشتے والی سے رجوع کیا گیا رشتے والی نے کچھ رشتے ذات، مسلک، اور ان کے حسب نسب کے اعتبار سے دکھائے کہیں لڑکے کی پکی رنگت پر اعتراض ہوتا، کہیں فیملی بڑی ہونے پر، کہیں گھر چھوٹا ہونے پر، کہیں چھوٹے قد پر، کہیں لڑکے کی ماں چالاک ہونے پر اور کہیں تنخواہ کم ہونے پر!!! رشتے والی نے سمجھایا کہ جو ڈیمانڈ آپ نے رکھی ہیں اور جو نقص آپ نکال لیتی ہیں ہر رشتے میں ایسے حالات میں بیٹی بیاہنا محال ہو جائے گا، آپ خود سے ا...

#جہیز_نہیں_وراثت (قسط 5) کسی جاننے والے کی بیٹی کا رشتہ پکا ہوا، لڑکے کی والدہ کہنے لگیں اگر آپ کو اعتراض نا ہو تو ہمیں شادی جلدی چاہیے،،، لڑکی کے والدین نے کہا ہم اتنے کم عرصے میں تیاری کیسے کریں گے، بہت سے معاملات ہیں سامان، فرنیچر، لین دین وغیرہ، ہمیں تھوڑا وقت چاہیے لڑکے کی والدہ نے کہا ہمیں آپ سے کچھ نہیں چاہیے، آپ چاہیں تو دو جوڑوں میں بیٹی کو رخصت کریں، ہمیں قبول ہے لڑکی کے والدین بڑے متاثر ہوئے اور رضامندی ظاہر کرتے ہوئے نکاح کی تاریخ فائنل کر لی مقررہ تاریخ پر نکاح ہوا بیٹی گھر سے رخصت ہوئی رخصتی کے کچھ دن بعد ساس، سسر، نند اور شوہر کے مزاج بدلنے لگے باتوں باتوں میں جتایا جانے لگا کہ لڑکی کی والدین نے جہیز اور دنیا داری کی دیگر فضول رسمیں نا نبھا کر کتنی بڑی بیوقوفی کی ساس اپنی سہیلیوں کے سامنے بتانے لگی یہ بہو جہیز یا تحائف کے نام پر کوئی سامان ساتھ نہیں لائیں بیٹی کو مینٹلی ٹارچر کیا جانے لگا پھر شوہر سے کسی بات پر ان بن ہوئی تو بیوی کو مار پیٹ کر اس کے گھر بھیج دیا اور شرط رکھی بیوی کے لینے تب ہی آئے گا جب لڑکی کے والدین جہیز کا سامان اور نقدی دے کر بھیجے گے لڑک...

#جہیز_نہیں_وراثت بیٹیاں تو رحمت بن کر پیدا ہوتی ہیں، اور ماں باپ ان کی پیدائش سے لے کر جوانی تک ان کی تعلیم و تربیت کے ساتھ ساتھ ان کے جہیز کہ فکر کے ساتھ ساتھ ان کا سامان بنانا شروع کر دیتے ہیں۔ تعجب ہوتا ہے یہ دیکھ کر کہ لوگ رسم و رواج اور روایات کے اس حد تک غلام بن چکے ہیں اور افسوس یہ ہے اس کے خلاف مزاحمت کرنا بھی انہیں بغاوت معلوم ہوتا ہے۔ کپڑوں اور تحائف کا لین دین، قیمتی زیورات، گھر اور ہاں بائک اور گاڑیاں بھی۔۔۔ سمجھ سے بالاتر ہے، آخر اتنی ریاکاری کیوں ہے؟ اور بیٹی والے تو اکثر اپنی جھوٹی شان و شوکت کے چکر میں اپنا آپ تک گروی رکھ دیتے ہیں۔ ۔۔۔۔۔۔۔۔۔ جاننے والے ہیں، والدہ سے رجوع کیا کہ کسی سے کہہ کر ہماری بیٹی کے لیے جہیز اور کھانے کا ارینج کروا دیں، والدہ نے کہا کہ آپ سادگی سے کیوں نہیں اس ذمہ داری کو ادا کر لیتیں، والدہ کے جواب میں جو ان خاتون نے کہا سن کر بڑی حیرت اور دکھ ہوا (کہنے لگیں): باجی میری بیٹی شکل سے بھلی نہیں لگتی اور بہت مشکل سے رشتہ ہوا ہے تو میں چاہتی ہوں کسی طریقے سے جہیز اور کھانے کا اہتمام ہو جائے تاکہ میری فکر ختم ہو جائے، رشتہ میرے بہنوئی نے کر...

#جہیز_نہیں_وراثت باپ کے انتقال کو ابھی کچھ ماہ ہی ہوئے تھے، دکھ تھا کہ سنبھالے نہیں سنبھلتا تھا، زندگی ہے کتنی ہی مشکل، کٹھن یا دشوار کیوں نہ ہو گزرانی پڑتی ہے، رویے دیکھنے پڑتے ہیں ضبط لانا پڑتا ہے۔ مجھے ایسا لگتا ہے ننھیال ماں کے ساتھ اور ددھیال باپ کے ساتھ ہوتا ہے ان کی زندگی میں یہ خوشنما چہرے، ان کے گزر جانے کے بعد امتحان بن جاتے ہیں دونوں نہ رہیں تو رشتوں کی مضبوط کڑیاں بھی وقت کی الجھنوں کے ساتھ کمزور پڑنا شروع ہو جاتی ہیں اور یتیمی کا دکھ تو ہوتا ہی ایسا ہے کہ اچھے اچھے رشتے دار بھی دامن چھڑا کر وقت سے سائیڈ پر ہو جاتے ہیں کہ کہیں کوئی ذمہ داری نہ اٹھانی پڑ جائے۔ دین یتیموں کے ساتھ بھلائی کا حکم دیتا ہے ان کی کفالت کا حکم دیتا ہے ان کی بہترین پرورش کی تلقین کرتا ہے جبکہ یہ نام نہاد مسلمان تو یتیموں کے لیے ان کے باپ کا چھوڑا ہوا مال بھی کھانے میں لگ جاتے ہیں،،، ذمہ داری اٹھانا تو بہت دور کی بات ہے۔ اب ماں کے سر پر بچوں کی پرورش کا بوجھ تھا، چاہتیں تو دوسری شادی کرتیں اور اپنی نئی زندگی آباد کر لیتیں، مگر بچوں کا کیا ہوتا؟ اس فکر سے خود کو آزاد نہ کر پائیں تو لاکھ مشو...

#جہیز_نہیں_وراثت کسی سے سن رہا تھا کہ فلاں شخص نے اپنی بیٹی کو وراثت نہیں دی، دوسرا شخص بولا لیکن اس نے اپنی بیٹی کو جہیز دینے میں کوئی کمی بھی تو نہیں چھوڑی 15 20 لاکھ کا جہیز دیا، زیورات دیے اس کے سسرالیوں کو لاکھوں کے تحائف دیے۔۔۔ اب بیٹی اگر وراثت کا مطالبہ کرتی ہے تو زیادتی کرتی ہے دنیا داری کے معاملات میں ایک دوسرے سے سبقت لے جانے کر چکر میں ہم نے اپنی آخرت بھی خراب کر لی اور دنیاوی معاملات بھی بگڑے پڑے ہیں۔۔۔ وراثت بیٹی کا حق تھا، جس سے اسے محروم کر دیا جاتا ہے جبکہ جہیز جو درحقیقت لڑکے کی ذمہ داری ہے اسے لڑکی کے والدین کے سپرد کر دیا جاتا ہے۔ اس روش کے خلاف کھل کر جہ اد کریں اس کی کھل کر مخالفت کریں اگر آپ بیٹی والے ہیں یا آپ بیٹے والے ہیں تو بھی آپ کو ان فرسودہ رسومات کے خلاف بولنا چاہیے۔ کچھ ماہ پہلے ایک فیملی نے کسی عزیز کے ریفرنس سے ہم سے رجوع کیا اور درخواست کی کہ بیٹی کے جہیز کے لیے رقم درکار ہے، یا فرنیچر لے دیں یا حسب استطاعت مدد کریں بہت سمجھانے کے بعد وہ کہنے لگے، بیٹا ہماری اپنی سوچ بھی یہی ہے ہم نے اپنی اولاد کی تعلیم و تربیت پر بہت خرچ کیا ان کے بہتر مس...