کبھی بھی اپنا معیار مت گرنے دیں

#ضمیر_کا_سودا_نہیں

#عزت_کردار_سے

#اصولوں_کی_زندگی

کبھی بھی اپنا معیار مت گرنے دیں۔

کبھی بھی دوغلے پن کو اپنی عادت مت بننے دیں۔

کبھی بھی کسی کی غیبت، بہتان یا کردار کشی کا حصہ مت بنیں۔

اور کبھی بھی چند وقتی فائدوں، چند نوالوں یا معمولی مفادات کے لیے اپنے ضمیر کا سودا مت کریں۔

یاد رکھیے، وہ لوگ جو چند فائدوں کی خاطر کسی بھی محفل میں بیٹھ کر دوسروں کی برائیاں کرنے لگتے ہیں، بظاہر شاید کچھ حاصل کر لیں، مگر حقیقت میں وہ اپنا وقار، اپنی عزت اور اپنا کردار کھو بیٹھتے ہیں۔ عزت انسان کے لباس، دولت یا تعلقات سے نہیں بلکہ اس کے اصولوں اور کردار سے پہچانی جاتی ہے۔

یہ بھی ممکن ہے کہ جن لوگوں کی غیر موجودگی میں آپ ان کا ذکرِ بد کر رہے ہوں، وہی لوگ آپ کی غیر موجودگی میں آپ کے بارے میں بھی یہی رویہ اختیار کرتے ہوں۔ غیبت کی محفلوں میں کسی کا دوست کوئی نہیں ہوتا، وہاں صرف مفادات ہوتے ہیں جو وقت کے ساتھ بدل جاتے ہیں۔

زندگی کو اگر وقار، سکون اور عزت کے ساتھ گزارنا ہے تو اپنے لیے کچھ اصول مقرر کر لیجیے۔ سچ بولیے، امانت داری اختیار کیجیے، دوسروں کی عزت کا خیال رکھیے اور اپنے دل کو بغض، حسد اور منافقت سے پاک رکھیے۔

پروقار زندگی کا سنہرا اصول یہی ہے کہ ہر شخص کے ساتھ مخلص ہو کر چلیں، چاہے صلہ ملے یا نہ ملے۔ کیونکہ کردار کا حسن اس بات میں نہیں کہ لوگ آپ کے ساتھ کیسا سلوک کرتے ہیں، بلکہ اس بات میں ہے کہ آپ دوسروں کے ساتھ کیسا سلوک کرتے ہیں۔ عزت مانگنے سے نہیں ملتی، بلکہ اصولوں پر قائم رہنے سے حاصل ہوتی ہے۔

#اعوانیات

#MFA

#AwanTalks